اسرائیلی میڈیا کا دعویٰ: حماس کی واپس کی گئی لاشیں یرغمالی نہیں

غزہ (28 اکتوبر 2025): اسرائیلی میڈیا نے مزاحمتی تنظیم حماس کی طرف سے آج واپس کی گئی لاش یرغمالی کی نہ ہونے کا دعویٰ کر دیا۔
ٹائمز آف اسرائیل کی رپورٹ کے مطابق تل ابیب کے ابو کبیر فرانزک انسٹی ٹیوٹ میں گھنٹوں کی شناخت کی کوششوں کے بعد نئی تشخیص کے مطابق حماس نے آج اسرائیل کو جو لاش واپس کی وہ کسی یرغمالی کی نہیں ہو سکتی۔
اسرائیلی حکام نے کہا ہے کہ شناخت کے عمل میں مزید دو دن لگ سکتے ہیں حالانکہ اس سے قبل حماس کی طرف سے واپس کی گئی لاشوں کی چند گھنٹوں میں شناخت مکمل کی گئی تھی۔
آج صبح تک حماس کی طرف سے واپس کی گئی لاش کی شناخت نہیں ہو سکی ہے اور حکام کو بڑھتا ہوا شبہ ہے کہ یہ غزہ میں ابھی تک موجود 13 مردہ یرغمالیوں میں سے کسی کی بھی نہیں ہو سکتی۔