انسان کو اپنی غلطیوں سے سیکھنا چاہیے، ونیزہ احمد

اداکارہ ونیزہ احمد نے غلطیوں سے متعلق گفتگو کرتے ہوئے کہا ہے کہ اگر مجھ سے پہلے غلطی ہوجاتی تھی تو میں اس میں پھنس کر رہ جاتی تھی۔
اپنے خیالات کا اظہار کرتے ہوئے پاکستانی شوبز انڈسٹری کی سینئر اداکارہ اور ماڈل ونیزہ احمد نے کہا کہ پہلے میں اپنی غلطی کے بارے میں سوچتی رہتی تھی، میری بہن کے بعد مجھے اس بات کا احساس ہوا کہ جو کل گزر گیا ہے وہ تو گزر گیا ہے۔
ونیزہ نے بتایا کہ وقت گزرنے کے ساتھ میں نے سوچا کہ میں اس چیز کے بارے میں سوچ سوچ کر کیوں اسے دماغ میں جگہ دے رہی ہوں، اس چیز کو جانے دینا چاہیے۔
اداکارہ نے کہا کہ آپ پچھلی چیزوں کے بارے میں سوچ سوچ کر اپنا آج خراب کرلیتے ہیں، جو کل آنے والا ہے اس کے بارے میں تو کسی کو کچھ نہیں پتا لیکن جو گزر گیا وہ تو گزر گیا۔
انھوں نے زور دیتے ہوئے کہا کہ انسان کو چاہیے کہ اس غلطی سے سیکھ لے اور اس طرح کی چیزوں کو جانے دے، آپ کی زندگی میں لوگ آتے کسی مقصد کے تحت ہیں۔
ونیزہ نے مزید کہا کہ ایسے لوگ آپ کو سبق سکھانے کےلیے آتے ہیں، اگر آپ نے نہیں سیکھا تو وہ آپ کا مسئلہ ہے اور اگر آپ نے سبق سیکھ لیا ہے تو اس چیز کو جانے دیں۔
ہمیں عادت ہے کہ ہم چیزوں کو پکڑ کر رکھتے ہیں کہ میں بچپن میں ایس ہوتی تھی، کچھ انسان کی عادت بھی ہوتی ہے کہ میں تو ایسی ہی ہوں لیکن نہیں ہم ایسے نہیں ہوتے