افغانستان میں زلزلوں سے اموات 2 ہزار سے متجاوز، ہزاروں زخمی

افغانستان میں آنے والے تباہ کن زلزلے میں جاں بحق افراد کی تعداد 2ہزار 205 ہو گئی جب کہ ہزاروں زخمی ہیں۔
خبر ایجنسی کے مطابق 6 شدت کے زلزلے اور بعد میں آنے والے 5.5 کے جھٹکوں سے زیادہ تباہی ہوئی ہے۔ رائٹرز کا کہنا ہے کہ جنوب مشرقی افغانستان میں 6.2 شدت کا تازہ زلزلہ آیا ہے جس سے مزید تباہی ہوئی ہے۔
زلزلے میں زخمی افراد کی تعداد 3ہزار 640 تک جا پہنچی ہے۔ افغانستان میں زلزلے سے سب سے زیادہ جانی نقصان صوبہ کنڑ میں ہوا ہے۔
ورلڈفوڈپروگرام کے مطابق صورتحال حقیقی تباہی ہے گھر ملبےکا ڈھیر بن گئے ہیں، اب تک 6 ہزار 700 سے زائد مکانات تباہ ئوے ہیں اور متاثرین پیاروں کی لاشیں تلاش کر رہے ہیں۔
پہاڑی علاقے اور لینڈسلائیڈنگ امدادی کارروائیوں میں بڑی رکاوٹ ہیں۔ اکتوبر 2023 میں ہرات میں زلزلے سے 2ہزار افراد جاں بحق ہوئےتھے جب کہ 2022 میں پکتیکا، پکتیا اور خوست میں زلزلے سے ایک ہزاراموات ہوئی تھیں۔
پاکستان، چین اور دیگر ممالک نے زلزلہ متاثرین کے لیے امداد فراہم کی ہے اور ریسکیو کارروائیوں میں تعاون کی پیشکش کی ہے۔
افغانستان میں چینی سفارت خانے کے ناظم الامور باؤ شوہوئی نے افغانستان کی نیشنل ڈیزاسٹر مینجمنٹ اتھارٹی کے جنرل ڈائریکٹر برائے انتظامیہ محمد عالم علمیار سے ملاقات کی اور زلزلہ متاثرین کیلیے چینی سفارت خانے، چینی اداروں اور اوورسیز چائنیز ایسوسی ایشن کی جانب سے دی گئی امدادی رقم اور سامان ان کے حوالے کیا