وزیراعظم شہباز شریف سے وفاقی وزیر داخلہ محسن نقوی نے ملاقات کی، جس میں ملک کی امن و امان اور سکیورٹی صورتحال پر تبادلہ خیال کیا گیا۔ محسن نقوی نے گلگت بلتستان کے آئندہ انتخابات کے لیے سکیورٹی انتظامات پر بریفنگ دی اور بتایا کہ پرامن انتخابی عمل کے لیے جامع سکیورٹی پلان تیار کیا گیا ہے۔
وزیراعظم نے سکیورٹی اداروں کی کاوشوں کو سراہتے ہوئے جمہوری عمل کے فروغ اور ملک میں امن و استحکام کے لیے حکومتی عزم کا اعادہ کیا۔
