حوثی رہنما کا اسرائیل سے لڑائی کیلیے فوجی تیاریاں بڑھانے کا حکم

حوثی رہنما کا کہنا ہے کہ اسرائیل کے ساتھ مزید تصادم ناگزیر ہے۔
یمن کے حوثی باغیوں کے رہنما عبدالملک الحوثی نے گروپ کو اسرائیل کے ساتھ مستقبل میں لڑائی کے لیے فوجی تیاریوں کو بڑھانے کی ہدایت کی ہے۔
ٹیلی ویژن پر نشر ہونے والی تقریر کے دوران انہوں نے کہا کہ ہم لامحالہ اسرائیلی دشمن کے ساتھ مزید تصادم کی طرف بڑھ رہے ہیں۔
ان کا کہنا تھا کہ ’ہمارا خطہ اس وقت تک استحکام، سلامتی یا امن کا مشاہدہ نہیں کر سکتا جب تک اسرائیل کا دشمن فلسطین پر قابض ہے اور ایک مسلم قوم کی حیثیت سے ہمارے خلاف اپنے صہیونی ایجنڈے پر عمل پیرا ہے۔
حوثی رہنما نے کہا کہ اسرائیل جنگ بندی کی خلاف ورزی کرتے ہوئے غزہ پر حملے جاری رکھے ہوئے ہے اور امریکہ معاہدے کے ضامن کے طور پر “غزہ میں اسرائیل کے جرائم میں شراکت دار ہے”۔
انہوں نے ایک بار پھر خطے میں اسلامی ممالک پر اسرائیل کے ساتھ کھڑے نہ ہونے پر تنقید کی اور کہا کہ وہ لبنان میں حزب اللہ کو غیر مسلح کرنے کے اسرائیلی مطالبات پر توجہ مرکوز کیے ہوئے ہیں جبکہ امریکا نے اسرائیلی دشمن کی مکمل حمایت کی ہے اور وہ ناانصافی، نسل کشی اور جارحیت میں مکمل شراکت دار ہے۔