کراچی: ایس آئی یو اہلکاروں کی زیرحراست نوجوان عرفان کی موت کی تحقیقات جاری ہیں اور کیس کی تفتیش ساؤتھ پولیس سے ایف آئی اے کو منتقل کرنے کا فیصلہ کیا گیا ہے۔
ایس ایس پی امجد شیخ کے مطابق منصفانہ تحقیقات کیلئے کیس ایف آئی اے کے سپرد کیا جائے گا جس کے لیے مقدمے کا مکمل ریکارڈ کل ایف آئی اے کے حوالے کیا جائے گا۔
امجدشیخ نے کہا کہ یہ تاثر غلط ہے پولیس ملوث اہلکاروں کو بچانےکی کوشش کر رہی ہے ذمہ داری سے کہتا ہوں انصاف کے تقاضے پورے ہوں گے۔
پولیس کا کہنا ہے کہ عرفان پر تشدد کرنے والے اے ایس آئی عابد شاہ اور کانسٹیبل آصف علی کو گرفتار کیا گیا ہے۔ پولیس کا بتانا ہے کہ واقعے کا مقدمہ گزشتہ روز درج کیا گیا تھا۔
صدر تھانے میں درج ایف آئی آر میں لاپرواہی اور غفلت سے موت کی دفعات شامل ہیں۔ مقدمہ متن کے مطابق عرفان اور دیگر کو مشتبہ جان کر تفتیش کےلیے لایا گیا تھا جس کے دوران اچانک عرفان کی طبیعت خراب ہوئی لیکن تفتیش کرنے والے افسر لاپرواہی کرتے رہے۔
پوسٹ مارٹم رپورٹ میں عرفان پر تشدد کی تصدیق ہوئی ہے عرفان کی لاش پوسٹ مارٹم کے وقت 36گھنٹے پرانی تھی
