گھڑ سواری کے مقابلے میں پاکستان کی بھارت کو شکست

گھڑ سواری کے مقابلے میں پاکستان کی بھارت کو شکست، عثمان خان نے ایشین گیمز 2026 کیلئے بھی کوالیفائی کر لیا

پاکستانی گھڑسوار عثمان خان نے فرانس میں منعقدہ انٹرنیشنل تھری اسٹار ایونٹ میں شاندار کارکردگی دکھاتے ہوئے ایشین گیمز 2026 کیلئے کوالیفائی کرلیا۔ نیوز کےمطابق عثمان خان نے سی سی آئی تھری اسٹار لانگ فارمیٹ میں 59 رائیڈرز میں مجموعی طور پر چھٹی پوزیشن حاصل کی۔ تین روزہ ایونٹ میں نیشنل پوزیشن کے مقابلے میں پاکستان نے مجموعی طور پر دوسری پوزیشن حاصل کی۔ میزبان فرانس پہلے نمبر پر رہا۔ بھارت کے رائیڈر آشیش لمائے نویں نمبر پر رہے۔ مقابلے کے تینوں روز پاکستان اور بھارت کے رائیڈرز کے درمیان بھی دلچسپ مقابلہ دیکھنے کو ملا۔ پہلے روز بھارت نے ڈریساج میں معمولی سبقت حاصل کی، دوسرے روز کراس کنٹری میں پاکستان نے برتری حاصل کی اور تیسرے روز شو جمپنگ میں عثمان خان نے شاندار ڈبل کلئیر راؤنڈ کے ساتھ بھارت پر واضح سبقت حاصل کی۔