ایک ہفتے میں مہنگائی کی شرح بڑھ گئی

اسلام آباد(24 اکتوبر 2025): ایک ہفتے میں مہنگائی کی شرح میں 22۔0 فیصد بڑھ گئی، ایک ہفتے میں 20 اشیاء کی قیمتوں میں اضافہ ریکارڈ کیا گیا۔
تفصیلات کے مطابق ملک میں مسلسل مہنگائی میں اضافے کی رفتار کی شرح میں اضافے کا رجحان جاری ہے جس کی وجہ سے مزید 20 اشیائے ضروریہ کی قیمتیں بڑھ گئیں۔
ادارہ شماریات کے مطابق حالیہ ہفتے پیاز 5 روپے 81 پیسے فی کلو مہنگے ہوئے، انڈے 7 روپے 81 پیسے فی درجن، چینی 3 روپے 77 پیسے فی کلو مہنگی ہوئی۔
ایک ہفتے میں چودہ واٹ کا انرجی سیور بلب 9 روپے 74 پیسے مہنگا ہوا، لہسن 3 روپے84پیسےکلو، کیلے 98 پیسے فی درجن مہنگے ہوئے بیف 5 روپے 30 پیسے، ڈَھائی کلو گھی کا ٹن 4 روپے 71 پیسے فی کلو مہنگا ہوا۔
حالیہ ہفتے میں ٹماٹر، دال مسور، دال ماش کی قیمتوں میں بھی اضافہ ہوا حالیہ ہفتے 6 اشیائے ضروریہ کی قیمتوں میں کمی ہوئی ہے، حالیہ ہفتے برائلر مرغی 8 روپے 24 پیسے فی کلو سستی ہوئی۔
حالیہ ہفتے میں دال مونگ 2 روپے 48 پیسے ایل پی جی کا گھریلو سلنڈر 3روپے 78 پیسے مہنگا ہوا، ایک ہفتے میں 20 کلو آٹے کا تھیلا 14 پیسے سستا ہوا، حالیہ ہفتے 25 اشیا کی قیمتوں میں استحکام رہا۔