ڈینگی، ملیریا، چکن گونیا و دیگر امراض کے تدارک کیلیے حکومت کا ہنگامی ایکشن

حکومت سندھ نے صوبے بھر میں ڈینگی، ملیریا، چکن گونیا و دیگر امراض کے تدارک کیلئے ہنگامی ایکشن شروع کر دیا۔
محکمہ بلدیات کی جانب سے جاری نوٹیفکیشن کے مطابق تمام میئرز، میونسپل کمشنرز کو انسداد ڈینگی مہم کی ہدایت کر دی گئی۔
واٹر سیوریج کارپوریشن، سالڈویسٹ، ایس بی سی اے سمیت تمام ادارے مہم میں شامل ہوں گے۔
نوٹیفکشین میں ہدایت کی گئی ہے کہ شہری و دیہی علاقوں میں اسپرے، فوگنگ، ٹائرشاپس سے ٹھہرا پانی ختم کیا جائے، پانی ذخیرہ کرنے والے ٹینک ڈھانپےجائیں، سوئمنگ پولز میں حفاظتی اقدامات کیےجائیں۔
سندھ حکومت نے استعمال شدہ ٹائروں کا ذخیرہ رکھنے پر بھی پابندی عائد کر دی ہے۔
کراچی میں موسم بدلتے ہیں نزلہ زکام، کھانسی، ڈینگی اور ملیریا کے کیسز میں بے پناہ اضافہ دیکھنے میں آرہا ہے، کراچی میں اڑنے والی دھول مٹی اور سڑکوں کی حالت نے شہریوں کی زندگی کو اجرین کردیا دیا ہے۔
محکمہ صحت کی جانب سے ڈینگی کیسز کی یومیہ رپورٹ جاری نہیں کی جارہی، ڈینگی اور ملیریا رپورٹ 15 روزہ یا ماہانہ بنیاد پر جاری کی جاتی ہے، محکمہ صحت کے جاری کردہ اعدادوشمار میں اسپتالوں کے نام شامل نہیں ہیں۔
انتظامہ کا کہنا ہے کہ سول اسپتال میں نزلہ زکام اور کھانسی کے 100 سے زائد کیسز رپورٹ ہوئے ہیں، سول اسپتال میں روزانہ 10 سے 12 ڈینگی کیسز رپورٹ ہوتے ہیں۔
اسپتال ذرائع نے بتایا کہ جناح اسپتال کی ایمرجنسی اور او پی ڈی میں 150 کیسز رپورٹ ہوتے ہیں، جناح اسپتال میں روزانہ 15 سے 20 ڈینگی مریض رپورٹ ہورہے ہیں