اسلام آباد: اسلام آباد ہائیکورٹ کے جسٹس طارق جہانگیری نے اپنے خلاف ڈگری تنازع کیس میں ہائیکورٹ کی کارروائی کو وفاقی آئینی عدالت میں چیلنج کر دیا ہے۔
جسٹس طارق جہانگیری نے اسلام آباد ہائیکورٹ کے 9 دسمبر کے دو رکنی بینچ کے حکمنامے کے خلاف آئینی عدالت میں اپیل دائر کی ہے، جس میں مؤقف اختیار کیا گیا ہے کہ اسلام آباد ہائیکورٹ میں دائر درخواست قابل سماعت نہیں۔ انہوں نے درخواست میں کہا ہے کہ ان کے خلاف ہائیکورٹ میں دائر رٹ کو خارج کیا جائے۔
مزید برآں، جسٹس طارق جہانگیری نے اسلام آباد ہائیکورٹ کی کارروائی کو چیلنج کرنے کے لیے تین سینئر وکلا پر مشتمل قانونی ٹیم تشکیل دے دی ہے۔ اکرم شیخ اور بیرسٹر صلاح الدین اسلام آباد ہائیکورٹ میں کیس کی پیروی کریں گے، جبکہ عزیر بھنڈاری وفاقی آئینی عدالت میں جسٹس جہانگیری کی نمائندگی کریں گے۔
