کرکٹ کی تاریخ کا بڑا اپ سیٹ: نمیبیا نے جنوبی افریقہ کا شکار کر لیا

کرکٹ میں ایک اور بڑا اپ سیٹ ہو گیا نمیبیا جیسی چھوٹی ٹیم نے جنوبی افریقہ کو ٹی 20 انٹرنیشنل میچ میں شکست دے دی۔
کرکٹ کا کھیل میں نئے ریکارڈ بننا اور اپ سیٹ ہونا خلاف واقعہ بات نہیں۔ اب تک کئی ایسے اپ سیٹ ہوئے جنہوں نے دنیائے کرکٹ کو حیران کر دیا۔ ایسا ہی ایک اپ سیٹ نمیبیا جیسی چھوٹی اور غیر معروف ٹیم نے ورلڈ کپ کی فائنلسٹ ٹیم جنوبی افریقہ کو شکست دے کر سب کو چونکا دیا۔
نمیبیا اور جنوبی افریقہ کے درمیان واحد ٹی 20 انٹرنیشنل میچ ونڈھوک میں تیار ہونے والے نئے اسٹیڈیم میں کھیلا گیا، جس میں ایک نئی تاریخ رقم ہو گئی۔ پروٹیز کی جانب سے دیا گیا ہدف نمیبیا نے سنسنی خیز مقابلے کے بعد آخری گیند پر حاصل کیا۔
جنوبی افریقا نے ٹاس جیت کر پہلے بیٹنگ کرتے ہوئے 134 رنز بنائے۔ ریٹائرمنٹ واپس لے کر میدان میں اترنے والے کوئنٹن ڈی کاک کی واپسی ناخوشگوار رہی اور وہ صرف ایک رن ہی بنا سکے۔ نمیبیا کی جانب سے روبن ٹرمپلمین نے تین اور ہینگو نے دو کھلاڑیوں کو آؤٹ کیا۔
چھوٹی ٹیم نے 135 رنز کے ہدف کا تعاقب بلند حوصلے کے ساتھ کیا اور سنسنی خیز مقابلے کے بعد آخری گیند پر ہدف حاصل کر کے 6 وکٹوں سے کامیابی حاصل کی۔
زین گرین نے اپنی سالگرہ کے دن ناقابل شکست 30 رنز بنا کر اپنی ٹیم کو جیت کا یہ عظیم تحفہ دیا۔ جنوبی افریقا کی جانب سے سائم لین اور برگر نے دو دو شکار کیے