کرکٹ آسٹریلیا کی جانب سے پہلے ایشیز ٹیسٹ کے لیے پلیئنگ الیون کا اعلان

کرکٹ آسٹریلیا کی جانب سے پہلے ایشیز ٹیسٹ کے لیے پلیئنگ الیون کا اعلان کردیا گیا ہے، پہلے ٹیسٹ میں کپتانی کرنے والے اسٹیو اسمتھ نے پلئینگ الیون کی تصدیق کردی ہے۔
برینڈن ڈوگٹ اور جیک ویدرالڈ ٹیسٹ آسٹریلیا کی طرف سے ڈبیو کریں گے، پلیئنگ الیون میں عثمان خواجہ جیک ویدرالڈ، مارنوس لبوشین اور کپتان اسٹیو اسمتھ شامل ہیں۔
کیمرون گرین، ٹریوس ہیڈ، ایلیکس کیری اور میچل اسٹارک بھی ٹیم میں شامل ہیں، جبکہ نیتھن لیون، برینڈن ڈوگٹ اور اسکاٹ بولینڈ بھی پلیئنگ الیون میں شامل ہیں۔
دوسری جانب سابق آسٹریلوی فاسٹ بولر گلین میگرا کو ایشیز سیریز کے آغاز سے قبل کمنٹری پینل سے نکال دیا گیا۔
آسٹریلوی میڈیا کا اس حوالے سے کہنا ہے کہ گلین میگرا کو قومی براڈ کاسٹر ادارے نے ریڈیو کمنٹری پینل سے فارغ کردیا ہے، سابق فاسٹ بولر کو جوئے کی کمپنی کے ساتھ تعلق کی بنیاد پر پینل سے فارغ کیا گیا۔
ایشیز سیریز سے قبل آسٹریلیا کو ایک اور بڑا دھچکا
آسٹریلوی میڈیا نے انکشاف کیا کہ سابق فاسٹ بولر میگرا کا آن لائن جوئے کی کمپنی کے ساتھ تعلق بتایا گیا ہے، قومی براڈ کاسٹر ادارے کی پالیسی کے مطابق ملازم کا جوئے کی کمپنی کے ساتھ کوئی تعلق نہیں ہوسکتا۔