بھارت میں لگژری کاروں کی اسمگلنگ کے کیس نامور اداکاروں کے گھروں پر چھاپے

بھارت میں لگژری کاروں کی اسمگلنگ کے کیس کی تحقیقات کے سلسلے میں نامور اداکاروں کے گھروں پر چھاپے مارے گئے۔
انڈین میڈیا کے مطابق بھارتی تحقیقاتی ایجنسی انفورسمنٹ ڈائریکٹوریٹ (ای ڈی) نے معروف اداکاروں پرتھوی راج، ذوالقر سلمان، امیٹ چکلکل و دیگر کے گھروں پر کیرالہ میں چھاپے مارے۔
مذکورہ چھاپے کسٹمز کے ایک حالیہ کیس کی تحقیقات کا حصہ ہے جس میں بھوٹان سے بھارت لگژری کاروں کی مبینہ اسمگلنگ شامل ہے۔
ای ڈی کی طرف سے مارے گئے چھاپوں میں ایرناکلم، تریشور، کوزیکوڈ، مالاپورم، کوٹایم اور کوئمبٹور میں کچھ کاروں کے مالکان، آٹو ورکشاپس اور تاجروں کو بھی شامل کیا گیا۔
ذرائع کے مطابق کُل 17 مقامات پر چھاپے مارے گئے۔
یہ کارروائی فارن ایکسچینج مینجمنٹ ایکٹ (فیما) کے تحت کی گئی جو کسٹمز کی طرف سے حال ہی میں سامنے آنے والے ایک کیس سے متعلق ہے جس میں لگژری کاروں کی مبینہ اسمگلنگ اور غیر مجاز غیر ملکی کرنسی کے لین دین شامل ہیں۔
ذرائع کے مطابق یہ چھاپے ایک ایسے گروہ کے انکشاف پر مبنی ہیں جو بھارت-بھوٹان/نیپال کے راستوں سے لینڈ کروزر، ڈیفنڈر اور میسراتی جیسی لگژری کاروں کی غیر قانونی درآمد اور رجسٹریشن میں ملوث ہے۔
ای ڈی کے عہدیداروں نے بتایا کہ ابتدائی تحقیقات میں معلوم ہوا کہ کوئمبٹور میں قائم ایک نیٹ ورک جعلی دستاویزات (جو بظاہر بھارتی فوج، امریکی سفارتخانے اور وزارت خارجہ سے ہونے کا دعویٰ کرتا ہے) اور اروناچل پردیش، ہماچل پردیش اور دیگر ریاستوں میں جعلی آر ٹی او رجسٹریشنز کا استعمال کر رہا تھا۔
ان کاروں کو بعد میں کم قیمتوں پر ہائی نیٹ ورتھ (ایچ این آئی) افراد، بشمول فلمی شخصیات کو فروخت کیا گیا۔