بھارت کے نامور کرکٹر کو فراڈ کیس میں ثمن جاری

سابق بھارتی کرکٹر شیکھر دھون کو انفورسمنٹ ڈائریکٹوریٹ (ای ڈی) نے مبینہ طور پر منی لانڈرنگ کے متنازعہ پلیٹ فارم 1xBet سے منسلک ہونے کے سلسلے میں طلب کرلیا ہے۔
بھارتی حکام نے تصدیق کی کہ 39 سالہ دھون کا بیان منی لانڈرنگ کی روک تھام کے قانون (پی ایم ایل اے) کے تحت ریکارڈ کروایا جائے گا۔
ذرائع کے مطابق انفورسمنٹ ڈائریکٹوریٹ 1xBet کے ساتھ دھون کے مبینہ تعلق کی جانچ کر رہی ہے، تفتیش کار بیٹنگ ایپ کے ساتھ دھون کے روابط کی نوعیت کو سمجھنے کے خواہاں ہیں،
اس بیٹنگ ایپ پر صارفین کو دھوکہ دینے کا الزام ہے جبکہ کروڑوں روپے کے ٹیکس چوری کرنے کے الزامات کا بھی سامنا ہے۔
اس وقت بھارتی ایجنسی ملک میں کام کرنے والے غیرقانونی آن لائن بیٹنگ پلیٹ فارمز کے خلاف کریک ڈاؤن کو وسیع کر رہی ہے۔
اس طرح کے کئی پلیٹ فارمز پر دھوکہ دہی کی اسکیمیں چلانے اور گھپلے کے الزامات ہیں، اس سے قبل بھارتی حکام سریش رائنا سے بھی آٹھ گھنٹے تک پوچھ گوچھ کرچکےہیں