ایشیاکپ سپرفور مرحلہ: پاکستان کو بھارت کے ہاتھوں پھر سے شکست

بھارتی ٹیم نے سپرفور مرحلے میں باآسانی 6 وکٹوں سے کامیابی حاصل کرتے ہوئے 172 رنز کا ہدف 18.5 اوورز میں 4 وکٹوں کے نقصان پر حاصل کیا، لیفٹ ہینڈ اوپنر ابھیشیک شرما نے 74 رنز کی جارحانہ اننگز کھیل کر جیت کی بنیاد رکھی، ان کے ساتھ شبمن گل 47 رنز بناکرنمایاں رہے۔
بھارت کی جانب سے تلک ورما نے بھی ذمہ دارانہ 30 رنز بنائے جبکہ سنجو سیمسن نے 13 رنز بنائے، کپتان سوریا کمار یادیو بغیر کوئی رن بنائے آؤٹ ہوئے۔
پاکستان کی جانب سے حارث رؤف نے 2 بھارتی بیٹرز کو آؤٹ کیا جبکہ فہیم اشرف اور ابرار احمد ایک ایک وکٹ حاصل کرنے میں کامیاب رہے، ابھیشیک شرما کو انکی جارحانہ بیٹنگ پر میچ کا بہترین کھلاڑی قرار دیا گیا.
دریں اثنا پاکستان نے سپرفور مرحلے کے اہم میچ میں بھارت کو جیت کےلیے 172 رنز کا ہدف دیدیا، صاحبزادہ فرحان نے نصف سنچری اسکور کی۔
ایشیاکپ سپرفور مرحلے میں پاکستان نے بھارت کے خلاف پہلے کھیل کر 5 وکٹوں کے نقصان پر 171 رنز بنائے، اوپنر صاحبزادہ فرحان نے عمدہ کھیل کا مظاہرہ کیا، وہ 45 گیندوں پر 58 رنز بناکر نمایاں رہے۔
صائم ایوب اور محمد نواز نے 21، 21 رنز اسکور کیے، اس کے علاوہ فہیم اشرف نے 20 اور کپتان سلمان آغا نے 17 رنز بناکر اپنا حصہ ڈالا، فخر زمان 15 اور حسین طلعت 10 رنز بناسکے۔
بھارت کی طرف سے شیوم ڈوبے نے 2 وکٹیں حاصل کیں، ہاردیک پانڈیا اور کلدیپ یادیو نے 1، 1 پاکستانی بیٹر کو پویلین کی راہ دکھائی۔
ایشیا کپ سپرفور مرحلے کے اہم مقابلے میں بھارتی فیلڈرز نے پاکستانی بیٹرز کے تقریبآ 5 کیچز چھوڑے، صاحبزادہ فرحان کو بھی صفر پر ایک چانس ملا جب ابھشیک شرما نے ان کا کیچ چھوڑا۔
نصف سنچری مکمل کرکےصاحبزادہ فرحان نے جارحانہ انداز میں جشن منایا، انھوں نے بلے کو بندق کے انداز میں حوالے میں لہراتے ہوئے خیالی نشانہ لگا کر خوشی کا اظہار کیا۔
اس سے قبل ایشیا کپ سپرفور مرحلے کے اہم میچ میں بھارت نے پاکستان کیخلاف ٹاس جیت لیا، بھارتی کپتان نے پہلے بولنگ کرنے کا فیصلہ کیا۔
بھارتی ٹیم کے کپتان سوریا کما یادیو نے ایشیا کپ سپر فور مرحلے کے اہم میچ میں ٹاس جیتنے کے بعد گفتگو کرتے ہوئے کہا کہ ہم نے اپنی ٹیم میں دو تبدیلیاں کی ہیں، ورون چکرورتی اورجسپریت بمراہ کی واپسی ہوئی ہے، دوسری اننگز میں اوس آنے کا امکان ہے۔
سوریا کمار کا مزید کہنا تھا کہ پچ دیکھنے میں بیٹنگ کےلیے بہت اچھی لگ رہی ہے، بعدازاں روی شاستری سے گفتگو کے بعد وہ پاکستانی کپتان سے ہاتھ ملائے بغیر چلے گئے۔
قومی کپتان سلمان علی آغا کا کہنا تھا کہ آج کا میچ نیا ہے اور نیا چیلنج ہے، ہم اچھی کرکٹ کھیلنے کی کوشش کریں