اعلامیے میں اسرائیل اور فلسطین کیلئےقابل عمل اور ناقابل واپسی اقدامات پر زور دیا گیا۔ قرارداد کے حق میں 142ممالک نے ووٹ دیا جب کہ مخالفت میں 10 اور 12 نے ووٹ نہیں دیا۔
اعلامیہ جولائی میں سعودی عرب اور فرانس کی میزبانی میں اقوام متحدہ کانفرنس کا نتیجہ ہے۔ اعلامیہ عالمی رہنماؤں کی آئندہ ملاقات سے پہلے منظور کیا گیا ہے۔
واضح رہے کہ امریکا اور اسرائیل نے کانفرنس کا بائیکاٹ کیا تھا۔
فرانس اور سعودی عرب کی جانب سے پیش کیے جانے والے اس اعلامیے کی عرب لیگ پہلے ہی توثیق کر چکی ہے اور اقوام متحدہ کے 17 رکن ممالک بشمول کئی عرب ممالک نے اس پر دستخط کیے ہیں۔
یہ اعلامیہ غزہ میں جنگ کے خاتمے کے لیے اجتماعی کارروائی پر زور دیتا ہے تاکہ دو ریاستی حل کے موثر نفاذ کی بنیاد پر اسرائیل فلسطین تنازعہ کے منصفانہ، پرامن اور دیرپا تصفیے کو حاصل کیا جا سکے۔
یہ حماس کے 7 اکتوبر کو اسرائیل پر حملے کی بھی مذمت کرتا ہے، تمام اسیروں کی رہائی کا مطالبہ کرتا ہے اور حماس سے غیر مسلح ہونے اور غزہ کا کنٹرول چھوڑنے کا مطالبہ کرتا ہے۔
اعلامیے میں کہا گیا ہے کہ “غزہ میں جنگ کے خاتمے کے تناظر میں، حماس کو غزہ میں اپنی حکمرانی ختم کرنی چاہیے اور ایک خودمختار اور آزاد فلسطینی ریاست کے مقصد کے مطابق بین الاقوامی تعاون اور حمایت کے ساتھ اپنے ہتھیار فلسطینی اتھارٹی کے حوالے کرنا ہوں گے
