امریکی صدر دنیا بھر سے تعریفیں سمیٹ رہے ہیں مگر ان خوشگوار لمحات میں وہ اچانک غصہ ہو گئے جس کا اظہار سوشل میڈیا پر کر دیا۔
حماس اور اسرائیل میں جنگ بندی اور غزہ امن معاہدہ کرانے والے امریکی صدر اس وقت دنیا بھر سے داد اور مبارکباد وصول کر رہے ہیں۔ تاہم اس خوشگوار ماحول میں ایک بات نے انہیں اتنا غصہ دلا دیا کہ اس کی بھڑاس انہوں نے سوشل میڈیا پر اظہار کرکے نکالی۔
صدر ڈونلڈ ٹرمپ جو ہمیشہ میڈیا میں اچھا نظر آنے کی کوشش کرتے ہیں۔ تاہم امریکی جریدے ’’ٹائم میگزین‘‘ نے غزہ امن معاہدے پر ایک تفصیلی مضمون کے ساتھ ان کی تصویر بھی سر ورق پر شائع کی، جس کو ٹرمپ نے اب تک کی بدترین تصویر قرار دیا ہے۔
امریکی صدر نے اپنے غصے کا اظہار سوشل میڈیا سائٹ ’’ٹروتھ‘‘ پر ایک پوسٹ کے ذریعہ کیا۔ اس پوسٹ میں ٹرمپ کا کہنا تھا کہ ٹائم میگزین نے مجھ سے متعلق اچھی اسٹوری شائع کی، لیکن ان کی تصویر جو شائع کی گئی، وہ اب تک کی سب سے خراب تصویر تھی۔
ٹرمپ نے اپنی تصویر کی خامیاں بتاتے ہوئے کہا کہ شائع تصویر میں میرے بال چھپا دیے گئے اور میرے سر کے اوپر ایک تیرتا ہوا سا تاج دکھایا، بہت چھوٹا ہے۔۔۔ یہ واقعی عجیب بات ہے۔
انہوں نے مزید کہا کہ مجھے کبھی بھی نیچے سے لی گئی اپنی تصاویر پسند نہیں آئیں، لیکن ٹائمز کی تصویر تو انتہائی بری تھی۔ انہوں نے ایسا کیوں کیا؟
واضح رہے کہ غزہ امن معاہدے کے بعد گزشتہ روز ٹائم میگزین نے اُس کی فتح (ٹرمپ کی کامیابی) کے عنوان سے ایک مضمون کے ساتھ سرورق پر امریکی صدر کی تصویر شائع کی تھی۔ یہ تصویر جو نیچے کے زاویے سے لی گئی تھی، اور تصویر میں یوں لگ رہا تھا جیسے ان کے بالوں کے پیچھے سے سورج کی روشنی چمک رہی ہو۔
