عدالت نے جرم ثابت ہونے پر را ایجنٹ سلیم کو 114 سال قید کی سزا سنا دی

تفصیلات کے مطابق اے ٹی سی میں را ایجنٹ سلیم سے بارودی مواد کی برآمدگی کیس کی سماعت ہوئی، عدالت نے جرم ثابت ہونے پر سلیم کو سو سال سے زائد قید کی سزا سنائی اور مجموعی طور پر ڈیڑھ لاکھ روپے جرمانہ عائد کر دیا۔
عدالت نے ملزم کی ضمانت منسوخ کرتے ہوئے جیل بھیجنے کا حکم دیا، پراسکیویشن کے مطابق سلیم کو ایس آئی یو نے ماڑی پور کے علاقے سے گرفتار کیا تھا اور اس کے قبضے سے دستی بم، آوان بم، لانچر اور غیر قانونی اسلحہ برآمد کیا گیا تھا۔
26 نومبر احتجاج کیس: مزید 4 ملزمان نے جرم قبول کر لیا
پراسکیوشن کے مطابق سلیم نے دوران تفتیش بھارتی خفیہ ایجنسی را سے تعلق کا اعتراف کیا، اس نے 2012 سے 2014 تک 3 مرتبہ بھارت کا دورہ کیا، اور وہ 1989 میں غیر قانونی طریقے سے بھارت سے پاکستان آیا تھا۔
عدالت کو پراسکیوشن نے بتایا کہ ملزم سلیم نے جعل سازی سے پاکستانی دستاویز اور پاسپورٹ حاصل کی تھیں، اس نے بتایا تھا کہ وہ بھارت کے شہر گجرات میں رکشہ چلاتا تھا، گرفتاری کے وقت اس کے قبضے سے 4 پاکستانی پاسپورٹ بھی برآمد ہوئے