یوکرین نے روس کے شہر سینٹ پیٹرزبرگ میں توانائی کے مراکز اور فوجی اہداف پر ڈرون حملے کیے ہیں، جس کے نتیجے میں متعدد بنیادی تنصیبات کو نقصان پہنچا ہے۔
سینٹ پیٹرزبرگ کے گورنر کے مطابق حملوں سے انفرااسٹرکچر کی کئی تنصیبات متاثر ہوئی ہیں، تاہم ابتدائی اطلاعات کے مطابق کسی جانی نقصان یا زخمی ہونے کی اطلاع موصول نہیں ہوئی۔
دوسری جانب یوکرینی صدر نے دعویٰ کیا ہے کہ یوکرینی افواج نے سینٹ پیٹرزبرگ میں واقع ایک آئل ٹرمینل کے علاوہ روس کے تمبوف ریجن میں موجود اسلحہ ساز فیکٹری کو بھی کامیابی سے نشانہ بنایا ہے۔
حملوں کے بعد روسی حکام نے متاثرہ علاقوں کا جائزہ لینا شروع کر دیا ہے، جبکہ واقعے نے دونوں ممالک کے درمیان جاری کشیدگی میں مزید اضافہ کر دیا ہے۔
