برطانوی وزیراعظم سر کیئر اسٹارمر نے ٹیکنالوجی ارب پتی ایلون مسک پر برطانیہ میں سیاسی تقسیم کو ہوا دینے اور ملکی سیاست میں مداخلت کی کوشش کرنے کا الزام عائد کیا ہے۔
کیئر اسٹارمر کا کہنا ہے کہ ایلون مسک گزشتہ چند دنوں سے برطانوی سیاسی معاملات پر اثر انداز ہونے کی کوشش کر رہے ہیں۔ انہوں نے دعویٰ کیا کہ ہینری نوواک کے قتل کے بعد ایلون مسک نے برطانیہ میں اختلافات اور تقسیم کو مزید بڑھانے کی کوشش کی۔
دریں اثنا، وزیراعظم کیئر اسٹارمر نے مقتول ہینری نوواک کے اہلِ خانہ سے ملاقات بھی کی۔ اس موقع پر انہوں نے کہا کہ ہینری نوواک ایسی یادگار اور میراث کے مستحق ہیں جو اس افسوسناک سانحے کے بعد طویل عرصے تک برقرار رہے۔
واضح رہے کہ اس سے قبل بھی کیئر اسٹارمر نے رکنِ پارلیمنٹ جیس اساٹو کی حمایت کا اظہار کیا تھا، جنہوں نے ایلون مسک کے مصنوعی ذہانت پر مبنی چیٹ بوٹ کے خلاف قانونی کارروائی کا آغاز کیا تھا۔
