پاکستان شوبز انڈسٹری کی معروف اداکارہ رمشا خان نے اپنے سوشل میڈیا اکاؤنٹ سے تمام پوسٹس حذف کر دی ہیں، جس کے بعد ان کی ذاتی زندگی سے متعلق قیاس آرائیاں شدت اختیار کر گئی ہیں۔
میڈیا رپورٹس کے مطابق رمشا خان نے اداکار کوشال خان کے ساتھ نجی تقریب میں نکاح کر لیا ہے۔ اس حوالے سے ایک تصویر بھی سوشل میڈیا پر وائرل ہوئی، جس کے بعد مداحوں میں چہ مگوئیاں شروع ہو گئیں۔
اداکارہ نے اپنی انسٹاگرام کہانی میں وائرل تصویر پر برہمی کا اظہار کرتے ہوئے اسے حذف کرنے کا مطالبہ کیا، تاہم انہوں نے بالواسطہ انداز میں شادی کی تصدیق بھی کی۔
رمشا خان کے اکاؤنٹ پر تقریباً 35 لاکھ مداح موجود ہیں اور ان کی جانب سے اچانک تمام پوسٹس ہٹانا مداحوں کیلئے حیران کن ہے۔ فی الحال اداکارہ یا ان کی ٹیم کی جانب سے باضابطہ تفصیلات سامنے نہیں آئیں، تاہم سوشل میڈیا پر یہ خبر تیزی سے گردش کر رہی ہے۔
مداحوں کی جانب سے اداکارہ کیلئے نیک تمناؤں اور مبارکباد کے پیغامات بھی سامنے آ رہے ہیں۔
