فلپائن کے جزیرہ منداناؤ کے قریب آنے والے 7.8 شدت کے طاقتور زلزلے کے نتیجے میں ہلاکتوں کی تعداد بڑھ کر 41 ہو گئی ہے، جبکہ 450 سے زائد افراد زخمی ہونے کی اطلاعات ہیں۔ خبر رساں اداروں کے مطابق متاثرہ علاقوں سے تقریباً 10 ہزار افراد کو محفوظ مقامات پر منتقل کر دیا گیا ہے۔
رپورٹس کے مطابق 4 افراد تاحال لاپتا ہیں، جن کی تلاش کے لیے امدادی کارروائیاں جاری ہیں۔ حکام کا کہنا ہے کہ زلزلے کی گہرائی تقریباً 10 کلومیٹر ریکارڈ کی گئی، جس کی وجہ سے جھٹکوں کی شدت سطح زمین پر زیادہ محسوس کی گئی۔
زلزلے کے بعد کئی علاقوں میں عمارتوں کو نقصان پہنچنے اور بعض ڈھانچوں کے منہدم ہونے کی اطلاعات بھی موصول ہوئی ہیں، جبکہ ریسکیو ٹیمیں متاثرہ علاقوں میں امدادی سرگرمیوں میں مصروف ہیں۔
