ملک بھر کے بجلی صارفین کے لیے سہ ماہی ایڈجسٹمنٹ کی مد میں بجلی کی قیمت میں ایک روپے 99 پیسے فی یونٹ کمی کر دی گئی ہے۔ جاری کردہ نوٹیفکیشن کے مطابق یہ کمی جنوری سے مارچ 2026 کی سہ ماہی ایڈجسٹمنٹ کے تحت کی گئی ہے۔
نوٹیفکیشن میں بتایا گیا ہے کہ بجلی کی نئی قیمتوں کا اطلاق جون سے اگست 2026 تک تین ماہ کے لیے ہوگا۔ اس فیصلے سے کے الیکٹرک سمیت ملک بھر کے تمام صارفین مستفید ہوں گے۔
حکام کے مطابق اس اقدام کے نتیجے میں بجلی صارفین کو مجموعی طور پر 67 ارب 17 کروڑ 30 لاکھ روپے کا ریلیف ملے گا۔
