ایران اور امریکا کے درمیان کشیدگی نے جہاں مختلف شعبوں کو متاثر کیا، وہیں بیوٹی انڈسٹری بھی اس کے اثرات سے محفوظ نہ رہ سکی۔ کراچی سمیت بڑے شہروں میں میک اپ پروڈکٹس اور سروسز کی قیمتوں میں نمایاں اضافہ دیکھنے میں آیا ہے۔
بیوٹی پارلرز کے مطابق بارات اور ولیمہ کے لیے دلہن کا میک اپ 25 ہزار روپے سے بڑھ کر 40 ہزار روپے تک پہنچ گیا ہے، جبکہ پارٹی میک اپ کی قیمتوں میں بھی تقریباً 5 ہزار روپے اضافہ کیا گیا ہے۔
ماہرین کا کہنا ہے کہ بڑھتی مہنگائی اور درآمدی مصنوعات کی قیمتوں میں اضافے کے باعث کاسمیٹکس مہنگے ہو گئے ہیں، جس کا براہ راست اثر صارفین پر پڑ رہا ہے۔
دوسری جانب خواتین کا کہنا ہے کہ تقریبات میں شرکت کے لیے میک اپ اب ایک مہنگی ضرورت بنتا جا رہا ہے، جس سے گھریلو بجٹ پر اضافی دباؤ پڑ رہا ہے۔
بیوٹی انڈسٹری سے وابستہ افراد کے مطابق اگر یہی صورتحال برقرار رہی تو مستقبل میں اس شعبے میں مزید مہنگائی دیکھنے کو مل سکتی ہے۔
