پاکستان کی ثالثی میں ایران اور امریکا کے درمیان طے پانے والی اسلام آباد مفاہمتی یادداشت پر عملدرآمد کا آغاز ہو گیا ہے۔
امریکی سینٹرل کمانڈ کے مطابق امریکی فوج نے ایرانی بندرگاہوں کی بحری ناکہ بندی ختم کر دی ہے، جس کے بعد ایرانی بندرگاہوں کی جانب بحری آمدورفت دوبارہ بحال ہو گئی ہے۔
بیان میں کہا گیا ہے کہ خلیج فارس میں موجود امریکی فورسز اب کسی بحری جہاز کا راستہ نہیں روک رہیں، تاہم حتمی معاہدے تک امریکی بحریہ کے جنگی جہاز خطے میں موجود رہیں گے۔
امریکی نائب صدر جے ڈی وینس کے مطابق آبنائے ہرمز سے ایک روز کے دوران سوا کروڑ بیرل تیل کی ترسیل ریکارڈ کی گئی، جو عالمی توانائی کی سپلائی کے لیے اہم پیش رفت سمجھی جا رہی ہے۔
تجزیہ کاروں کے مطابق اس پیش رفت سے خطے میں کشیدگی میں کمی اور عالمی منڈیوں میں استحکام آنے کی توقع ہے۔
