اقوام متحدہ کے سیکرٹری جنرل انتونیو گوتریس نے خبردار کیا ہے کہ عالمی ادارہ سنگین مالی بحران سے دوچار ہے اور اگست کے وسط تک اس کے پاس نقد رقم ختم ہونے کا خطرہ پیدا ہو گیا ہے۔
امریکا اور چین کی جانب سے واجب الادا رقوم کی ادائیگی میں تاخیر کے باعث ادارے کی مالی مشکلات بڑھ گئی ہیں۔ امریکا پر اقوام متحدہ کے تقریباً 4 ارب ڈالر بقایا ہیں، جبکہ چین نے حالیہ دنوں میں تقریباً 850 ملین ڈالر ادا کیے ہیں، تاہم اس کے باوجود 455 ملین ڈالر ابھی بھی واجب الادا ہیں، جس سے مالی بحران بدستور برقرار ہے۔
