آئی ایس پی آر انٹرن شپ پروگرام کے تحت طلباء و طالبات نے پاکستان رینجرز سندھ ٹریننگ سینٹر کا خصوصی دورہ کیا، جہاں انہیں رینجرز کی پیشہ ورانہ سرگرمیوں اور آپریشنل تیاریوں سے آگاہ کیا گیا۔
اس موقع پر ڈی جی رینجرز سندھ نے شرکاء سے ملاقات کی، ان کے سوالات کے مدلل جوابات دیے اور رینجرز کے کردار اور قربانیوں پر روشنی ڈالی۔ طلباء نے کراچی اور سندھ میں امن قائم رکھنے کے لیے رینجرز کی انتھک خدمات کو بھرپور سراہا۔
طلباء کو رینجرز کی سخت تربیت، جدید جنگی حکمت عملیوں اور ہنگامی صورتحال سے نمٹنے کی مشقوں کا عملی جائزہ لینے کا موقع ملا۔ کیمل پریڈ اور سرحدی اہلکاروں کی اونٹوں کے ہمراہ گشت کے مناظر طلباء کی توجہ کا خاص مرکز بنے۔
شرکاء نے اس دورے کو نہ صرف معلوماتی بلکہ ایک یادگار تجربہ قرار دیا اور کہا کہ رینجرز کیقربانیاں نوجوان نسل کے لیے ایک روشن مثال ہیں۔
