لاہور کی انسدادِ دہشت گردی عدالت نے 9 مئی کے واقعے کے مقدمے میں گرفتار علیمہ خان کے بیٹے شیر شاہ کو پولیس کی درخواست پر 5 دن کے جسمانی ریمانڈ پر پولیس کے حوالے کر دیا۔
گزشتہ روز پولیس کی جانب سے جسمانی ریمانڈ کی درخواست پر فیصلہ محفوظ کیا گیا تھا جو آج سنا دیا گیا۔
شیر شاہ کو سخت سیکیورٹی میں انسدادِ دہشت گردی عدالت کے روبرو پیش کیا گیا، جہاں جج نے دلائل سننے کے بعد پولیس کی استدعا منظور کر لی۔
