چراٹ میں پاکستان اور مصر کی اسپیشل فورسز کی دو ہفتے طویل مشترکہ جنگی مشقیں “تھنڈر ٹو” کامیابی کے ساتھ مکمل ہوگئیں۔ آئی ایس پی آر کے مطابق ان مشقوں کا بنیادی مقصد انسدادِ دہشتگردی کے شعبے میں تجربات کا تبادلہ اور پیشہ ورانہ مہارت میں اضافہ تھا۔
مشقوں میں دونوں ممالک کی اسپیشل فورسز نے بھرپور حصہ لیا، جبکہ مختلف جدید تربیتی اور آپریشنل سرگرمیوں کا عملی مظاہرہ کیا گیا۔ اختتامی تقریب کے مہمانِ خصوصی جی او سی اسپیشل سروسز گروپ تھے۔
مصری پیرا ٹروپرز کمانڈر اور ڈیفنس اتاشی نے بھی مشقوں کا مشاہدہ کیا اور دونوں ممالک کی پیشہ ورانہ صلاحیتوں کو سراہا۔
یہ مشترکہ مشقیں پاکستان اور مصر کے درمیان دفاعی تعاون اور عسکری تعلقات کو مزید مضبوط بنانے میں اہم سنگِ میل قرار دی جا رہی ہیں۔
