لاڑکانہ کے علاقے ماہوٹا میں واقع ایک نجی ہاؤسنگ کالونی میں پرانی دشمنی کے باعث فائرنگ کا افسوسناک واقعہ پیش آیا، جس کے نتیجے میں دو خواتین سمیت چار افراد جاں بحق ہو گئے۔
پولیس کے مطابق مسلح ملزمان نے ایک گھر پر اندھا دھند فائرنگ کی، جس سے گھر میں موجود افراد نشانہ بنے۔ فائرنگ کے نتیجے میں دو بھائی، ایک بہن اور ایک بھابھی موقع پر ہی جان کی بازی ہار گئے۔
واقعے میں گھر کا مالک اور چار سالہ بچی بھی زخمی ہوئے، جنہیں فوری طور پر اسپتال منتقل کر دیا گیا، جہاں انہیں طبی امداد فراہم کی جا رہی ہے۔
پولیس کا کہنا ہے کہ ابتدائی تحقیقات کے مطابق واقعہ پرانی دشمنی کا شاخسانہ معلوم ہوتا ہے۔ واقعے کی تفتیش شروع کر دی گئی ہے جبکہ ملزمان کی گرفتاری کے لیے مختلف مقامات پر چھاپے مارے جا رہے ہیں۔
