ایم کیو ایم پاکستان نے وفاقی بجٹ میں حکومت کی حمایت کے معاملے پر سابق گورنر سندھ کامران ٹیسوری کی بحالی کا مطالبہ زور و شور سے اٹھانے کا فیصلہ کر لیا ہے۔
پارٹی کے سینئر رہنما فاروق ستار نے کہا ہے کہ کامران ٹیسوری کی گورنری کے دور میں شہری مسائل مؤثر انداز میں اجاگر ہوئے اور ان کی رخصتی سے جماعت کو سیاسی نقصان پہنچا۔
ذرائع کے مطابق ایم کیو ایم کے ارکانِ قومی و صوبائی اسمبلی کے اجلاس میں بھی اس مطالبے کو پارٹی کی اہم ترجیح قرار دیا گیا۔ پارٹی رہنماؤں کا کہنا ہے کہ بجٹ منظوری کے موقع پر کامران ٹیسوری کی بحالی کا معاملہ بھرپور انداز میں اٹھایا جائے گا اور اس پر کوئی سمجھوتہ نہیں کیا جائے گا۔
