یمن کے حوثی گروپ نے سعودی عرب کی جانب سے الحدیدہ میں ٹیلی کمیونیکیشن تنصیبات پر کیے گئے حملوں کو سنگین غلطی قرار دیتے ہوئے جوابی کارروائی کا اعلان کیا ہے۔
حوثیوں کا کہنا ہے کہ سعودی حملوں میں شہری تنصیبات کو نشانہ بنایا گیا، جس کا جواب دیا جائے گا۔ ایران کے حمایت یافتہ حوثی گروپ نے سعودی عرب پر الزام عائد کیا کہ اس نے الحدیدہ میں ٹیلی کمیونیکیشن کارپوریشن کی تنصیبات کو نشانہ بنایا۔
دوسری جانب سعودی قیادت والے اتحاد کے مطابق جمعہ کے روز یمن کے حوثیوں کے زیرِ قبضہ بندرگاہی شہر الحدیدہ میں کارروائیاں کی گئیں۔ اتحاد کا کہنا ہے کہ یہ حملے بحیرۂ احمر میں حوثیوں کی جانب سے سعودی تیل بردار جہازوں کو مبینہ طور پر نشانہ بنانے کے ردعمل میں کیے گئے۔
