کولکتہ: بھارت کی ریاست مغربی بنگال کے شہر ہلدیہ میں واقع ہلدیہ پیٹروکیمیکل لمیٹڈ کی آئل ریفائنری میں آگ لگنے سے کم از کم 15 افراد زخمی ہوگئے۔ بھارتی میڈیا کے مطابق منگل کی صبح 4 سے 5 بجے کے درمیان ایک پائپ لائن میں اچانک آگ بھڑک اٹھی، جس کے باعث موقع پر موجود متعدد افراد جھلس گئے۔
زخمیوں کو فوری طور پر اسپتال منتقل کر دیا گیا، جہاں بعض کی حالت تشویشناک بتائی جا رہی ہے۔ ریفائنری انتظامیہ کے مطابق ابتدائی طور پر شبہ ہے کہ آگ پائپ لائن سے تیل چوری کی کوشش کے باعث لگی، تاہم واقعے کی اصل وجوہات جاننے کے لیے تحقیقات جاری ہیں۔
