بنوں کے علاقے خیراکی میں واقع گورنمنٹ گرلز اسکول کے باہر بارودی مواد کا دھماکا ہوا، جس کے نتیجے میں اسکول کی دیوار منہدم ہوگئی۔
پولیس کے مطابق دھماکا خیز مواد اسکول کی بیرونی دیوار کے ساتھ نصب کیا گیا تھا۔ واقعے کے وقت اسکول میں 80 سے زائد طالبات زیر تعلیم تھیں، تاہم موسمِ گرما کی تعطیلات کے باعث عمارت خالی تھی، جس کے باعث کوئی جانی نقصان پیش نہیں آیا۔
دھماکے کے بعد پولیس نے علاقے کو گھیرے میں لے کر سیکیورٹی سخت کر دی ہے اور شواہد اکٹھے کرتے ہوئے تحقیقات شروع کر دی گئی ہیں۔
