مظفرآباد: آزاد جموں و کشمیر الیکشن کمیشن نے تیسرے مرحلے کے بلدیاتی انتخابات کے شیڈول میں تبدیلی کرتے ہوئے ضلع پونچھ اور سدھنوتی میں انتخابات ملتوی کرنے کا اعلان کر دیا ہے۔
الیکشن کمیشن کے مطابق پہلے سے جاری شیڈول کے تحت پونچھ ڈویژن کے چار اضلاع کی 11 نشستوں پر انتخابات ہونا تھے، تاہم نظرثانی شدہ شیڈول کے مطابق اب تیسرے مرحلے میں صرف ضلع باغ اور ضلع حویلی میں پولنگ ہوگی، جبکہ پونچھ اور سدھنوتی میں انتخابات مؤخر کر دیے گئے ہیں۔
الیکشن کمیشن کا کہنا ہے کہ ملتوی کیے گئے اضلاع میں انتخابات کی نئی تاریخ بعد میں جاری کی جائے گی۔
واضح رہے کہ آزاد کشمیر میں بلدیاتی انتخابات کے پہلے مرحلے کی پولنگ 27 جولائی جبکہ دوسرے مرحلے کی پولنگ 2 اگست کو منعقد ہو چکی ہے۔
