کراچی: متحدہ قومی موومنٹ پاکستان (ایم کیو ایم) نے آزاد کشمیر کے انتخابات میں اپنے امیدوار مسلم لیگ ن کے حق میں دستبردار کرنے کا اعلان کر دیا۔
ایم کیو ایم کے رہنما فاروق ستار نے میڈیا سے گفتگو کرتے ہوئے کہا کہ آئینی ترمیم اور سندھ کی گورنر شپ سے متعلق مطالبات مسلم لیگ ن کے سامنے رکھے گئے ہیں۔ ان کا کہنا تھا کہ سندھ کا گورنر ایم کیو ایم کا مینڈیٹ ہے اور یہ عہدہ پارٹی کو واپس ملنا چاہیے۔
فاروق ستار نے امید ظاہر کی کہ آزاد کشمیر کے انتخابات میں مسلم لیگ ن اور ایم کیو ایم کامیابی حاصل کریں گی۔
