محسن نقوی کئی معاملات میں وزیراعظم کو بھی جوابدہ نہیں، خواجہ آصف

وزیر دفاع خواجہ آصف نے کہا ہے کہ وزیر داخلہ محسن نقوی حکومت کے سب سے طاقتور وزیر ہیں اور کئی معاملات میں وہ وزیراعظم کو بھی جوابدہ نہیں۔ ایک ٹی وی پروگرام میں گفتگو کرتے ہوئے خواجہ آصف کا کہنا تھا کہ محسن نقوی وزیر داخلہ ہونے کے باوجود حکومتی نظام کا فعال حصہ دکھائی نہیں دیتے، انہیں کابینہ اجلاسوں میں صرف چند بار ہی دیکھا گیا ہے۔ انہوں نے مزید کہا کہ محسن نقوی شاید سات یا آٹھ مرتبہ ہی پارلیمنٹ آئے ہوں گے، اور اگر وہ خود بھی نظام سے شکوہ کر رہے ہیں تو پھر حکومت کے لیے اپنے کردار پر غور کرنا چاہیے۔