پاکستانی اداکارہ مومنہ اقبال نے اسلامی اسکالر ناصر مدنی کی جانب سے اپنے خلاف استعمال کیے گئے سخت الفاظ پر ردِعمل دیتے ہوئے کہا ہے کہ منبر سے ان پر لگائے گئے الزامات کو ہوا دی گئی۔
انسٹاگرام اسٹوری میں مومنہ اقبال نے لکھا کہ وہ ناصر مدنی کو معاف نہیں کریں گی اور انہیں اللہ کے حضور جواب دہ ہونا ہوگا۔ اداکارہ نے کہا کہ اسلام میں بغیر ثبوت کے کسی پر الزام لگانا اور اس کی عزت و وقار کو نقصان پہنچانا سنگین گناہ ہے۔ انہوں نے سورۃ النور کی آیات کا حوالہ دیتے ہوئے کہا کہ اللہ کے ہاں ہر بات کا حساب ہوگا اور انصاف ضرور قائم ہوگا۔
