کراچی میں منشیات برآمدگی کیس میں پولیس نے انمول عرف پنکی کے خلاف عبوری چالان عدالت میں جمع کرا دیا ہے۔ جوڈیشل مجسٹریٹ جنوبی کی عدالت میں پیش کیے گئے چالان کے مطابق کیس میں 3 خواتین سمیت 5 ملزمان کو مفرور قرار دیا گیا ہے، جبکہ 16 گواہان کے نام بھی شامل کیے گئے ہیں۔
پولیس کا دعویٰ ہے کہ ملزمہ گزشتہ 16 برس سے منشیات کی تیاری اور فروخت میں ملوث رہی اور اس نے سابق شوہر سے کوکین تیار کرنا سیکھی۔ عبوری چالان کے مطابق ملزمہ کراچی کے پوش علاقوں، تعلیمی اداروں اور نجی تقریبات میں کارندوں کے ذریعے کوکین فروخت کرتی تھی اور کراچی و لاہور میں اپنی رہائش تبدیل کرتی رہتی تھی۔ مزید برآں، موبائل فون کے فارنزک تجزیے میں تین مبینہ رائیڈرز کے نام سامنے آئے ہیں، جبکہ پولیس کے مطابق ملزمہ منشیات کی آن لائن فروخت میں بھی ملوث تھی۔
