بنگلادیشی وزیرِ اعظم طارق رحمٰن کے مشیر زاہد الرحمٰن کو بھارت پہنچنے پر دلی ایئرپورٹ پر امیگریشن حکام نے ابتدائی طور پر داخلے کی اجازت نہیں دی۔
بنگلادیشی میڈیا کے مطابق ان سے تقریباً ڈھائی گھنٹے تک پوچھ گچھ کی گئی، حالانکہ دورے کے لیے سفارتی سطح پر پیشگی اطلاع اور منظوری موجود تھی۔ بنگلادیش نے اس واقعے کو تشویشناک قرار دیتے ہوئے مکمل تفصیلات جمع کرنے کا اعلان کیا ہے۔
بھارتی مؤقف کے مطابق اعلیٰ حکام کی مداخلت کے بعد داخلے کی اجازت دے دی گئی تھی، تاہم زاہد الرحمٰن نے بھارت میں قیام کے بجائے واپس بنگلادیش جانے کا فیصلہ کیا اور کولمبو کے راستے ڈھاکا روانہ ہوگئے۔ وہ بحرِ ہند رِم ایسوسی ایشن کے اجلاس میں شرکت کے لیے بھارت گئے تھے۔
