کراچی : مختلف علاقوں میں ایک بار پھر تاجروں کو بھتے کی پرچیاں ملنے کے واقعات میں اضافہ

کراچی کے مختلف علاقوں میں ایک بار پھر تاجروں کو بھتے کی پرچیاں ملنے کے واقعات پیش آئے ہیں۔ 10 دنوں کے دوران 4 دکانداروں سے بھتہ طلب کیا گیا اور دھمکی آمیز آڈیو میسجز اور پرچیاں بھیجی گئیں۔ نیو کراچی میں 2، نارتھ کراچی میں 1 اور پریڈی میں 1 دکاندار کو بھتے کی پرچی موصول ہوئی ہے۔ الیکٹرانک مارکیٹ کے دکاندار سے 25 لاکھ، نیوکراچی سندھی ہوٹل کے دکانداروں سے 16 لاکھ اور ناگن چورنگی کے دکاندار سے 15 لاکھ روپے بھتہ مانگا گیا۔ دکانداروں نے بھتہ خوری کے خلاف پولیس میں شکایات درج کرادی ہیں۔