سندھ حکومت نے موٹرسائیکل سواروں کے لیے بڑی ریلیف اسکیم کا اعلان کر دیا ہے۔ وزیراعلیٰ سندھ سید مراد علی شاہ کے مطابق صوبے میں رجسٹرڈ موٹرسائیکل مالکان کو سبسڈی کے تحت ہر ماہ 2 ہزار روپے دیے جائیں گے۔
انہوں نے بتایا کہ یہ فیصلہ وزیراعظم شہباز شریف کی زیر صدارت اجلاس میں کیا گیا، جہاں خطے کی کشیدہ صورتحال کے پیش نظر عوام کو ریلیف دینے کے اقدامات پر غور کیا گیا۔ وزیراعلیٰ کا کہنا تھا کہ سندھ میں تقریباً 66 لاکھ موٹرسائیکلیں رجسٹرڈ ہیں اور اپریل سے ہر رجسٹرڈ موٹرسائیکل کے مالک کو 20 لیٹر فیول کے حساب سے فی لیٹر 100 روپے سبسڈی دی جائے گی۔
مراد علی شاہ نے مزید کہا کہ یہ رقم ایک مخصوص ایپ کے ذریعے براہِ راست مالک کے اکاؤنٹ میں منتقل کی جائے گی، اس لیے شہری اپنی موٹرسائیکل اپنے نام پر رجسٹر کروائیں تاکہ سبسڈی سے فائدہ اٹھا سکیں۔
