جدہ میں اسلامی تعاون تنظیم کی ایگزیکٹو کمیٹی کے خصوصی وزارتی اجلاس سے خطاب کرتے ہوئے نائب وزیراعظم اور وزیر خارجہ اسحاق ڈار نے کہا ہے کہ غزہ میں اسرائیل کی جارحیت اور توسیع پسندانہ اقدامات کسی صورت قابل قبول نہیں۔
انہوں نے کہا کہ عرب اور اسلامی ممالک نے جنگ بندی کی خلاف ورزیوں پر تشویش کا اظہار کیا ہے اور غزہ میں فوری طور پر جنگ بندی کی پاسداری ضروری ہے۔ اسحاق ڈار نے غزہ میں انسانی صورتحال کو ناقابل برداشت قرار دیتے ہوئے کہا
کہ فلسطینی علاقوں میں غیر قانونی آبادکاری قابل قبول نہیں، جبکہ پاکستان غزہ میں پائیدار جنگ بندی اور آزاد و خود مختار فلسطینی ریاست کے قیام کی حمایت جاری رکھے گا اور اس مقصد کے لیے برادر ممالک کے ساتھ رابطے میں ہے۔
