تہران میں ایران کے وزیر خارجہ عباس عراقچی نے افغانستان اور پاکستان پر زور دیا ہے کہ وہ اپنے اختلافات کو بات چیت اور حسنِ ہمسائیگی کے اصولوں کے تحت حل کریں۔
سماجی رابطے کی ویب سائٹ ایکس پر جاری بیان میں انہوں نے کہا کہ رمضان المبارک صبر، برداشت اور اسلامی یکجہتی کا مہینہ ہے، اس لیے دونوں ممالک کو کشیدگی کم کرتے ہوئے مذاکرات کو ترجیح دینی چاہیے۔
ایرانی وزیر خارجہ نے کہا کہ ایران کابل اور اسلام آباد کے درمیان تعمیری مکالمے، باہمی اعتماد اور تعاون کے فروغ کے لیے ہر ممکن تعاون کو تیار ہے، جبکہ یہ بیان خطے میں بڑھتی سرحدی کشیدگی کے تناظر میں سامنے آیا ہے۔
