مسجد الحرام اور مسجد نبویؐ میں رمضان المبارک کی پہلی تراویح کے روح پرور مناظر نے ایمان تازہ کر دیا، جہاں ہزاروں فرزندانِ اسلام نے خشوع و خضوع کے ساتھ عبادت کی اور مغفرت و رحمت کی دعائیں مانگیں۔
سعودی عرب، متحدہ عرب امارات، قطر، کویت، بحرین، عراق، یمن، لبنان، فلسطین اور افغانستان میں چاند نظر آنے کے بعد آج پہلا روزہ رکھا جا رہا ہے، جبکہ ترکیے، مصر، ملائیشیا، انڈونیشیا، آسٹریلیا، فرانس اور جاپان سمیت کئی ممالک میں جمعرات کو پہلا روزہ ہوگا۔ امریکا، کینیڈا، بیلجیئم اور برطانیہ میں کمیونٹی سطح پر اختلاف کے باعث رمضان کا آغاز مختلف دنوں میں کیا جا رہا ہے۔
