حج 2026 کے انتظامات کے حوالے سے سعودی عرب کی جانب سے مقررہ ڈیڈ لائن میں صرف ایک روز باقی رہ گیا ہے
پاکستان کی وزارت مذہبی امور نے ڈائریکٹر جنرل پاسپورٹ کو ایک خط لکھ کر درخواست کی ہے کہ آج اور کل ملک بھر میں پاسپورٹ آفسز کھلے رکھے جائیں، اور اس معاملے کو انتہائی اہم سمجھا جائے۔
ذرائع کے مطابق وزارت مذہبی امور میں ہنگامی حالت نافذ کر دی گئی ہے، اور متعلقہ اسٹاف کی چھٹیاں منسوخ کر دی گئیں، دراصل حج میں فرائض سر انجام دینے والے ویلفیئر اسٹاف کے پاسپورٹ تاحال نہیں بن سکے ہیں۔
مراسلے میں نشاندہی کی گئی ہے کہ سعودی عرب میں تعیناتی کے لیے ویلفیئر اسٹاف کے پاسپورٹس 21 دسمبر تک مسار ایپ پر اپ لوڈ کرنا لازم ہے۔ اس مقصد کے لیے حج میڈیکل مشن کے 268 اراکین کے پاسپورٹس فوری طور پر جاری کرنے کی سفارش کی گئی ہے۔
