شمالی وزیرستان میں سکیورٹی فورسز نے بروقت اور مؤثر کارروائی کرتے ہوئے اپنے کیمپ پر ہونے والا حملہ ناکام بنا دیا۔ کارروائی کے دوران چار خوارج ہلاک ہو گئے، جبکہ بہادری سے لڑتے ہوئے سکیورٹی فورسز کے چار جوان شہید ہو گئ
فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے بویا میں سکیورٹی فورسز کے کیمپ پر بھارتی پراکسی فتنۃ الخوارج سے تعلق رکھنے والے خوارج نے ایک بزدلانہ حملہ کیا جسے فورسز نے بروقت اور مؤثر کارروائی کے ذریعے ناکام بنا دیا۔
آئی ایس پی آر نے بیان میں بتایا کہ خوارج نے کیمپ کی پیرامیٹر سکیورٹی توڑنے کی کوشش کی جبکہ ناکامی پر خوارج نے ایک بارودی مواد سے بھری گاڑی کیمپ کی بیرونی دیوار سے ٹکرا دی جس کے نتیجے میں دیوار سمیت قریبی شہری آبادی اور مسجد متاثر ہوئی۔
