معزوروں کا عا لمی دن

معزوروں کا عا لمی دن ہر سال پاکستان سمیت دنیا بھر میں معذور افراد کی اہمیت، ان کے حقوق اور ان کی زندگی میں درپیش چیلنجز کے متعلق شعور بیدار کرنے کے لیے 3 دسمبر کو منایا جاتا ہے۔اس دن کے منا نے کا مقصد معذور افراد کے حقوق کا تحفظ کرنا،معزوری سے متعلق منفی رویوں کو ختم کرنا، پالیسی سازوں کو مؤثر قوانین بنانے کی طرف متوجہ کرنا،قابلِ رسائی سہولیات اور ٹیکنالوجی کی اہمیت اجاگر کرنا،درپیش مسائل کا حل نکالنا ،وقار اور بہبود کو تسلیم کرنا، اور معاشرے میں موجود رکاوٹوں کو ہٹاتے ہوئے ایک جامع، مساوی اور قابلِ رسائی ماحول پیدا کرنا ہے۔اس دن کا اعلان اقوامِ متحدہ نے 1992 میں کیا تھا، تاکہ معاشرے کو اس بات سے روشناس کرایا جا سکے کہ معذوری کوئی کمزوری نہیں، بلکہ ایک ایسی حقیقت ہے جسے سمجھ کر بہتر پالیسیوں، سہولیات اور رویّوں کے ذریعے زندگی کو آسان بنایا جا سکتا ہے۔اقوامِ متحدہ نے یہ دن منانے کی تجویز اس لیے دی کہ دنیا بھر میں تقریباً ایک ارب سے زائد لوگ کسی نہ کسی قسم کی معذوری کے ساتھ زندگی گزار رہے ہیں۔ ان افراد کو صحت، تعلیم، ملازمت، نقل و حمل اور سماجی زندگی میں کئی طرح کی مشکلات کا سامنا کرنا پڑتا ہے۔ اس دن کے ذریعے عالمی سطح پر حکومتوں اور اداروں کو ذمہ داریوں کی یاد دہانی کرائی جاتی ہے۔آج کے دن خصوصی بچوں اور بڑوں کی سرگرمیوں کا انعقاد کیا جاتا ہےحکومتی و غیر حکومتی اداروں کی تقریبات ، تعلیمی اداروں میں تقاریر اور پروگرام ،سیمینارز اور ورکشاپس منعقد کیے جانے کے ساتھ معزور افراد کی کامیابیوں کو خراج تحسین پیش کیا جاتا ہے۔