پاکستان کرکٹ ٹیم کے سابق کپتان شاہد آفریدی کے سیاسی نوعیت کے بیانات

پاکستان کرکٹ ٹیم کے سابق کپتان شاہد آفریدی کے حالیہ کچھ عرصہ میں سیاسی نوعیت کے بیانات سامنے آئے ہیں۔
پاکستان کرکٹ ٹیم کے سابق کپتان اور نامور آل راؤنڈر شاہد آفریدی جو کرکٹ سے ریٹائرمنٹ کے بعد فلاحی سرگرمیوں میں مصروف رہتے ہیں۔
تاہم حالیہ کچھ عرصہ میں ان کے سیاسی نوعیت کے بیانات سامنے آئے ہیں۔ شاہد آفریدی کے ان ہی بیانات کے باعث ان کے پرستاروں سمیت پاکستانی عوام میں یہ جاننے کے خواہشمند ہیں کہ کیا وہ بھی عمران خان کی طرح سیاست میں آ رہے ہیں۔
شاہد آفریدی جب گزشتہ دنوں لندن گئے تو وہاں بھی ان سے یہی سوال کیا گیا کہ کیا وہ مستقبل میں سیاست میں آ رہے ہیں۔ اس پر انہوں نے مبہم جواب دے کر عوام کو مزید تذبذب کا شکار کر دیا۔
لالہ کی عرفیت سے مشہور سابق کرکٹر نے کہا کہ سیاست میرے بس کی بات نہیں ہے اس لیے میں اس طرف آنے کا خواہش مند بھی نہیں۔ آپ دعا کریں کہ میں اس فیصلے پر ثابت قدم رہوں۔ کیونکہ یہی میرا ارادہ ہے باقی اللہ بہتر جانتا ہے کہ کیا ہوگا۔
ان کا مزید کہنا تھا کہ میں ایک سیاسی جماعت میں شمولیت کیلیے تیار تھا، مگر پھر 6 سال پہلے کچھ ایسی چیزیں ہوئیں جس کے بعد میرا ذہن سیاست سے تبدیل ہوگیا۔