پاکستانی کرکٹ ٹیم کے آل راونڈر فہیم اشرف کا ون ڈے سیریز کے دوسرے میچ میں جنوبی افریقہ سے شکست کے بعد کہنا تھا کہ ناکامی کا ذمہ دار کسی ایک کو نہیں قرار دیا جا سکتا۔
فہیم اشرف نے میچ میں شکست کے بعد میڈیا سے گفتگو کرتے ہوئے کہا کہ پہلے بیٹنگ کرنے کا فیصلہ کپتان کا تھا۔
اُن کا کہنا تھا کہ دوسری اننگز میں نمی کی وجہ سے بولنگ مشکل ہوگئی، تاہم اچھی فیلڈنگ کرنا آپ کے اپنے ہاتھ میں ہے۔
اُنہوں نے کہا کہ خامیوں کے حوالے سے ٹیم مل بیٹھ کر بات کرے گی، ٹیم ہوم گراؤنڈ پر جیتتے تو زیادہ خوشی ہوتی۔
واضح رہے کہ جنوبی افریقہ نے دوسرے ایک روزہ میچ میں کوئنٹن ڈی کوک کی سنچری کی بدولت پاکستان کو یک طرفہ مقابلے کے بعد 8 وکٹوں سے شکست دے کر سیریز ایک، ایک سے برابر کردی۔
فیصل آباد میں کھیلے گئے دوسرے ون ڈے میچ میں جنوبی افریقا نے پاکستان کی جانب سے دیا جانے والا 270 رنز کا ہدف 40.1 اوورز میں 2 وکٹوں کے نقصان پر حاصل کرلیا۔
اوپنر کوئنٹن ڈی کاک نے 119 گیندوں پر 123 رنز کی ناقابل شکست اننگز کھیلی، ان کی اننگز میں 8 چوکے اور 7 چھکے شامل تھے۔
ٹونی ڈی زورزی 76 رنز بنا کر نمایاں رہے، پریٹورئیس 46 رنز بنا کر آؤٹ ہوئے، میتھیو بریٹز17 رنز بناکر ناٹ آؤٹ رہے۔
آئی سی سی کا پلیئرز آف دی منتھ کیلئے نامزدگیوں کا اعلان، نعمان علی شاملپاکستان کی جانب سے فہیم اشرف اور وسیم جونیئر نے ایک، ایک وکٹ حاصل کی۔
پاکستان نے پہلے بیٹنگ کرتے ہوئے مقررہ اوورز میں 9 وکٹوں پر 269 رنز بنائے اور جنوبی افریقا کو جیت کے لیے 270 رنز کا ہدف دیا تھا
